Footer

Live streaming, mailunsad iti Palarong Pambansa

LINGAYEN, Pangasinan – Ilunsad ti probinsia ti live streaming dagiti paay-ayam iti Palarong Pambansa 2012 a maangay ditoy manipud Mayo 6 agingga iti 12, daytoy ti inwaragawag ni Gov. Amado T. Espino, Jr. itay nabiit.

Kinuna ti gobernador a mabalinen a mabuya dagiti reporter dagiti paay-ayam ti Palaro iti maymaysan a lugar ken iti oras a pannakaay-ayamda a saandan a masapul pay a mapan kadagiti lugar a pakaay-ayamanda babaen ti live streaming.

Maysa daytoy nga umuna iti historia ti Palarong Pambansa, kinuna ni Espino idinto nga innayonna a maysa a kuarto a maisangrat para kadagiti nasional ken lokal a media ti maipasdekan kadagiti monitor ken computers a pakabuyaanda kadagiti paay-ayam kadagiti uppat a lugar a pakaangayanda.

Malaksid iti Narciso Ramos Sports and Civic Center iti Lingayen, maangay pay dagiti paay-ayam iti Bimmaley, Dagupan City ken San Carlos City.#