Footer

Mannalon, binagsol ti kalugaranna

SANTIAGO, Ilocos Sur – Dika anawaen ti nabartek iti ar-aramidenna ta mairuboka laeng.

Pinadas ti maysa a mannalon nga anawaen ti nabartek a kalugaranna nga aglaawlaaw ket nabagsol la ket ngarud a puon ti nakayospitalanna.

Iti report dagiti polis, idi agarup alas 12:00 ti tengnga ti rabii ti Abril 23,  aglaawlaaw ni Marvin Egar y Dagang, baro, mannalon, residente iti Barangay Mambog, Santiago, Ilocos Sur ket inanawa ni Jerald Delim y Roa, 17, baro, kalugaran met laeng ti suspek, ngem mapapati nga ad-adda a nagpungtot ti suspek ket binagsolna ti biktima a nakasugatan ti makannigid a tian daytoy.

Naitaray ni Delim iti Candon City Hospital para iti pannakaagasna idinto nga inaresto dagiti nagresponde a polis ti suspek.

Mapapati a nabartek ti suspek.#

Comments are closed.