Footer

300 addaan rangkap, naipaayan serbisio

TAGUDIN, Ilocos Sur -Nasurok tallo gasut a persons with disabilities ti naserbian kas paset ti panagpiesta daytoy nga ili itay nabiit.

Karaman dagiti impaay ti gobierno munisipal babaen ti pannakitinnulong ti Philippine Alliance of Patient Organizations (PAPO) ken nadumaduma nga ahensia ti gobierno ti pannakaipaay ti libre a medical ken dental services, libre a pukis, ken adda pay naited a libre a sarukod ken wheel chair kadagiti napili a benepisario.

Naisayangkat pay iti daytoy nga aldaw ti voter’s information ken registration, kasta met ti Philhealth information caravan.

Kangrunaan a bisita iti daytoy nga aktibidad ni Sonia Lorenzo, executive director ti PAPO.

Maibilang a persons with disabilities dagiti pukol, tuleng, umel, kissiw, ken dadduma a rangkap iti bagi.#