Footer

Granada, nasarakan iti kamaisan

VIGAN CITY – Maysa a granada ti nasarakan iti kamaisan sadiay Barangay Ayusan Norte ditoy siudad idi malem ti Mayo 6.

Inreport ni Barangay Kagawad Bernardo Dasugo, 40, naasawaan ken residente ti nadakamat a barangay, iti polis ditoy a maysa a  granada ti nasarakan dagiti kaanakanna a ni Christian Pajarillo ken ni Dominic Dasugo iti kamaisan iti asideg ti balayda idi agarup 2:50 ti malem ti Mayo 6.

Dagus a nagturong dagiti polis ket kinordonda ti nasao a lugar sada pinakaammuan ti Explosiver Ordnance Disposal (EOD) iti Provincial Police Office iti Bulag, Bantay a nangipakaammo a maysa daytoy nga smoke hand grenade red M18.

Adda ita iti kustodia ti EOD ti granada para iti umisu a disposision.#

Comments are closed.