Footer

15,500 libro naiwaras 21 pagadalan

TAGUDIN, Ilocos Sur – Agdagup iti 15,500 a libro ti  naiwaras kadagiti 21 a pagadalan ditoy nga ili idi Mayo 24.

Naiwaras dagiti libro babaen Indauluan ni Mayor Roque Versoza dagiti municipal officials, dagiti mangisursuro nga indauluan ni Dr. Buenafe Medrano, PTCA, barangay officials, ken SK babaen ti programa a Textbook Delivery ken Textbook Walk ti DepEd Tagudin District.

Kinuna ni Versoza a dakkel a tulong kadagiti nagannak ken agbasbasa agsipud ta maaddaan dagiti ubbing iti libro babaen ti one-pupil-one book ratio.

Kinuna da Versoza ken Medrano a kayatda a ma-institionalized ti nasao a programa agsipud ta ipagsagepsepna ti bayanihan spirit a rumbeng nga abrasaen dagiti umili ken bumarangangay.

Malaksid kadagiti textbooks, nawarasan pay dagiti mangisursuro iti teaching manual nga aramatenda iti panagisuroda.#

Comments are closed.