Footer

3,000 kaykayo naimula iti Aldaw ti Panagwaywayas

CANDON CITY – Iti baet a napigsa ti tudo, nagmula dagiti empleado ti provincial capitol iti agarup 3,000 a mahogany ken narra seedlings iti watershed a sakup ti Barangay San Andres ditoy siudad, kas maysa kadagiti aktibidad iti pananglagip ti Aldaw ti Panagwaywayas ti pagilian itay Hunio 12.

Indauluan ni Bokal Robert Tudayan dagiti aganay 500 nga empleado dagiti nadumaduma nga opisina ken ahensia ti gobierno a nagmula kadagiti nasao a bunubon.

Naisayangkat ti nasao nga aktibidad babaen ti maysa a memorandum a pinirmaan ni Governor Luis “Chavit” Singson a nangibilin kadagiti agserserbi iti gobierno iti panagmulada iti kayo iti watershed ditoy siudad kas paset ti regreening program ti gobierno probinsial tapno malapdan ti climate change.#

Comments are closed.