Footer

80 senior citizens, immawat iti social pension

VIGAN CITY – Walopulo a senior citizen ditoy siudad ti immawat ti social pension  manipud iti Department of Social Welfare and Development itay nabiit.

Tunggal senior citizen ket immawat iti P1,500 a pensionna kada quarter.

Dagiti personnel a naggapu iti regional office ti DSWD ken binayabay ti City Social Welfare Office ti Vigan ti nagiwaras kadagiti pension dagiti senior citizens.

Kaadduan kadagiti immawat a senior citizen ti nangibaga nga igatangda ti pensionda iti kasapulanda nga agas ken pagbiag.

Dagiti senior citizen nga agtawen iti 77 agpangato ken awan ti sabali nga aw-awatenda a pensionda wenno awan ti suportada nga aggapu iti ballasiw taaw ti benepisario iti daytoy a programa ti nasional a gobierno.#

Comments are closed.