Footer

Espesial a proteksion dagiti agtabonen ti initna

Komentario ni Melvin F. Bandonil

 

Nupay maibilang a saan a kultura ni Ilokano, adda latta dagiti timmaud a kaso iti panagbaybay-a kadagiti nagannak lalona kadagiti nataengan a nakapsuten ken awananen iti kabaelan nga agsapul iti pagbiagda. Saan laeng a panangbaybay-a iti moral ken ispiritual no di pay pinansial nga obligasion ken ti kasapulanda la unay a kas iti taraon, pagtaengan, kawes ken dadduma pay a basic needs.

Adu dagiti kaso a kastoy lalo kadagita nataenganen a ma-paliiw ken makitkita a matmaturog kadagiti igid ti kalkalsada, iti underpass, iti overpass, kadagiti waiting shed, ken uray sadino la ditan a makaited kadakuada iti arakup ti agpatnag – mapaliiw dagitoy nangruna kadagiti matatao a lugar, iti ili ken kadagiti siudad a pagraragupan dagiti tattao. Ti panagpalimos ti kangrunaan a taudan ti tara-onda.

Saan a rumbeng nga umadu ken lumawa pay ti masaku-panna a bilang ti populasion ta iparangarang daytoy ti nababa unay a klase ti gimong – ti kina-managbaybay-a ken kinaires-ponsable.

Dagiti nagannak a nataenga-nen ket addaanda iti karbengan nga agbiag a nasayaat ken naannayas iti panagtabonen ti initda. Ti pannarabay kadakuada ket saan koma nga ipaidam ta dayta ti galad ken talugading a nabayag a tinagibaknang ken tinaginayon dagiti manakem a tattao. Ti kinapateg daytoy ket naibudi iti ladawan ti pamilia nga addaan iti nasiken a pun-dasion ti moralidad ken iti ispiritualidad.

Ngem apay ngarud nga adu dagiti nabaybay-an a nataengan a nagannak ken dagiti indibidual a nataenganen kadagiti kalkal-sada?

Kasapulan ti linteg a mangkita iti kasasaad dagiti amin a nataengan tapno adda  pagiba-saran iti aniaman a proteksion, tulong ken pannaranay kada-kuada.

Maitutop la unay daytoy iti naipila a House Bill Number 2295 wenno ti “The Main-tenance and Welfare of Parents, Senior Citizens and Elderly Act” a mangipaay iti garantia a maaddaanda iti estabilidad kadagiti kasapulanda.

Ti nasao a House Bill No. 2295 ket impila ni Senior Citizen’s Party-list Represent-ative Godofredo Arquiza a mangkidkiddaw iti espesial a proteksion kadagiti amin a nagannak ken senior citizen a binaybay-an dagiti annakda.

No maaprobaran ti nasao a HB, mangipaay iti kalintegan dagiti nataengan a nagannak ken senior citizen a nabaybay-an nga agkiddaw iti pinansial a suporta manipud kadagiti annakda ken kadagiti appokoda ken dadduma a kakabagian.

Dagiti nabaybay-an a nagan-nak ken nataengan mabalinda ti mangipila iti aplikasion iti Family Court iti lugar a pagindeganna para iti pinansial a suporta. Ti Department of Social Welfare and Develop-ment ken dagiti gobierno lokal ti mangpatanor kadakuada iti temporario a pangindegan, counseling, rehabilitation pro-grams ken livelihood assist-ance. Ti Departamento ti Salun-at ti mangasikaso iti salun-atda.

Impasingkeden ti DSWD ti panangsuportana iti singasing a linteg ket isagsaganadan dagiti rekomendasion tapno ad-adda pay ti naannayas a pan-nakaipatungpal itoy.

Nasken ngarud met nga ited ti amin nga umili ti nasged a suportada iti singasing tapno agbalin a linteg; ta iti masa-kbayan, pakairanudandanto met laeng daytoy.

Iti panagtabonen ti init dagiti nagannak, nasisita nga obli-gasion dagiti annak ti mangi-paay iti sanggiran nga abaga no di man takiag a mangipaay iti nabara nga arakup tapno agbiagda a siraragsak iti maudin a kanitoda ditoy lu-bong.

No ania ti inted kadagiti nagannak ken senior citizen, isunto met laeng ti awatenda inton dumteng ti panawen nga agtabonen ti initda.#

Comments are closed.