Footer

1.4-M kaykayo puntiria nga imula ti PENRO Ilocos Norte

ILOCOS NORTE – Puntiria ti Provincial Environment and Natural Resources Office (PENRO) ditoy ti agmula iti nasurok a maysa a milion a kaykayo iti daytoy a tawen kas panagtungpal iti kampania maikontra iti global warming ken climate change, daytoy ti impalgak ni PENR Officer Juan P. de los Reyes.

Kinuna ni de los Reyes a puntiria ti opisinana ti pannakaimula iti 1.4 million a seedlings ti nadumaduma nga species ti forest ken fruit trees iti saklaw a 3,903 ektaria iti nadumaduma a naituding a lugar iti probinsia.

Iti 2012, 15 a munisipalidad a pakairamanan ti Nueva Era, Marcos, Paoay, Dingras, Marcos, Carasi, Piddig, Banna, Batac, Solsona, Pagudpud, Adams, Burgos, Pasuquin, ken Vintar ti nainbolbar iti National Greening Program.

Kinuna ni de los Reyes a magun-odda ti puntiriada babaen ti koordinasion dagiti nadumaduma a people’s organization, dagiti lokal a gobierno ken ti agtultuloy a partnership dagiti nasional nga ahensia ti gobierno.#