Footer

Akusado iti homisidio, naaresto iti Quezon City

VIGAN CITY – Inaresto dagiti polis ditoy ti maysa nga akusado iti homicide iti pagtaenganna iti Quezon City idi bigat ti Hunio 14.

Indauluan ni Police Chief Inspector Ernesto P. Navarro, Jr., dagiti polis-Vigan a nangaresto ken ni Rick Jayson Berdulaga y Rigunay, 23, naasawaan, ken residente iti Barangay San Sebastian, San Vicente, Ilocos Sur iti Project 8, Quezon City a yan ti pagtaengan daytoy babaen ti bileg ti warrant of arrest nga inyisio ni Judge Nida B. Alejandro ti RTC Branch 20, Vigan City, Ilocos Sur.

Adda standing arrest warrant a napetsaan iti Marso 23, 2012 maikontra ken ni Berdulaga gapu iti sangsanguenna a kaso a homisidio nga addaan iti Criminal Case No. 6995-V ken adda nairekomenda a piansana a P200,000.00.

Nupay kasta, iti follow-up operation dagiti polis, napaayda a nangaresto iti kabsat ni Berdulaga a ni Ryan Joseph, 20, baro, sumangsango met laeng iti kaso a homisidio.#

Comments are closed.