Footer

Kustomer, natiliwan iti paltog iti uneg ti videoke bar

CANDON CITY – Inaresto dagiti polis ti maysa a kustomer a nasukalanda nga agikut iti paltog bayat ti panaggiinomda kadagiti kakaduana iti maysa a videoke bar iti Barangay Paras idi parbangon ti Hunio 16.

Maisagsagana itan ti kaso a panaglabsing iti RA 8294 maikontra ken ni Wilmer Valdez y Sanchez, 29, baro, ken residente iti Barangay Namatican, Sta. Lucia, Ilocos Sur.

Nagturong dagiti polis  iti Kalapaw Videoke Bar kalpasan a nakaawatda iti report manipud iti security guard nga adda ikut a paltog ti maysa kustomer bayat nga agin-inomda ken dagiti di nainaganan a kakaduana iti nasao a paginuman.

Idi rinikisa dagiti polis ni Valdez, nakakumpiskada iti ikut daytoy ti maysa 12 gauge a paltog nga awanan iti serial number ken bala.#