Footer

Masaksakit a balo, kinettelna ti biagna

NARVACAN, Ilocos Sur –  Ti nabayagen a sakitna ti mapapati a gapu iti panagbekkel ti maysa a balo iti kuartona idi rabii ti Hunio 19.

Naduktalan laengen ni Maryjane Viloria y Cabatan, 35, a nakabitin iti kuartona a napulipolan ti tengngedna iti electric cord ti amana a ni Teofilo Cabatan II y Alaba, 54, karpintero, balo, ken residente iti Barangay Abot, ditoy nga ili, idi mapan umisbo idi agarup 11:45 ti rabii ti Hunio 19.

Nagpaarayat ni Viloria kadagiti kaarrubada ket intarayda ni Cabatan iti Central Ilocos Sur District Hospital ngem naideklara nga awanen ti biagna.

Sa laeng naireport ti nasao nga insidente iti polis iti kabigatanna babaen ken ni Barangay Kagawad Apolinario Mina y Cereno.

Mapapati a ti nabayagen a panagsagabana gapu iti sakit ti nangiduron ken ni Cabatan nga agbekkel.#

 

Comments are closed.