Footer

Fiesta ti Bantay, narambakan

CANDON CITY – Rinambakan daytoy a siudad  ti Fiesta ti Bantay babaen ti panagmula dagiti nadumaduma a sektor kadagiti kayo nga agbunga ken kayo a matabla iti watershed area ti Barangay Palacapac ken sanitary landfill idiay Barangay Balingaoan idi Hunio 29.

Naipan ti selebrasion iti Hunio 29, Biernes, tapno makapagpartisipar dagiti empleado iti gobierno.

Kinuna ni Dr. Osias Diasen a basbassit a grupo ti napan nagmula iti watershed area iti rambutan, marang, mangga ken dadduma pay a fruit trees idinto a nagdalus laengen iti puon dagiti naimula a kayo dagiti dadduma.

Kapaliiwan ngamin iti kallabes nga adu dagiti nakaungaren a mula ti nadadael idi adu a grupo ti napan nagmula iti watershed area.

Naimula dagiti seedlings ti narra iti sanitary landfill ta daytoy a paset ti kayat dagiti agtuturay a mapasamek.#

Comments are closed.