Footer

Mannalon, nakoriente, natay

BURGOS, Ilocos Sur – Natay ti maysa a mannalon gapu iti pannakakorientena bayat ti ipapanna iti talonna sadiay Barangay Manaboc ditoy nga ili itay nabiit.

Naideklara nga awanen ti biag ni Rommel Reyes, 37, taga-Barangay Bangbangar ditoy nga ili idi maidanon iti rural health unit.

Segun iti report, agturong iti talon ti biktima a nakalugan iti traktorana ngem dimsaag tapno iwalinna ti barut ti elektrisidad a masagid ti lugan iti dalan ket ditoy metten a nakoriente.

Nagpatulong ti kaanakanna tapno maikkat ti barut a kimpet iti ima ti biktima sada intaray daytoy iti ospital ngem didan naiyabot a sibibiag.

Naikonektar ti barut nga iniggaman ni Reyes iti maysa a balay a mapan met laeng iti talon ti biktima.#

Comments are closed.