Footer

10,687 nageksamen iti NLE

BAGUIO CITY – Impakaammo ti Professional Regulation Commission (PRC) Baguio Regional Office nga agdagup iti 10,687 dagiti nageksamen para iti Nurses Licenture Examination a naangay iti Baguio City, Dagupan City, Cabanatuan City ken Laoag City idi Hunio 30 ken Hulio 1.

Segun ken ni PRC Regional Director Teofilo Gaius M. Sison, Jr., agdagup iti 4,917 dagiti nageksamen iti Baguio City; 2,385 iti Dagupan City; 1,976 iti Cabanatuan City; ken 1,409 iti Laoag City.

Naisayangkat ti nasao nga eksamen iti uppat a siudad babaen ti superbision ti Baguio Regional Office.

Pinagyamanan ni Sison dagiti timmulong para iti naballigi a pannakaisayangkat ti nasao nga eksamen a pakaibilangan da Mayor Benjamin S. Lim (Dagupan NLE);  Nueva Ecija Governor Aurelio M. Umali ken Cabanatuan City Mayor Julius Cesar V. Vergara (Cabanatuan NLE); ken Mayor Michael V. Fariñas (Laoag NLE); ti Philippine Nurses Association (PNA) regional councils ken dagiti lokal a chapterda iti CAR, Regions I and III,  Philippine National Police, National Bureau of Investigation, Department of Education ken dagiti maseknan a kolehio/unibersidad.#

Comments are closed.