Footer

Internet cafe, sinerrek mannanakaw

VIGAN CITY – Sinerrek dagiti mannanakaw idi rabii ti Hunio 30 ti maysa nga internet cafe ditoy ket kinasakasda ti maysa a laptop.

Nagreport iti polis ni Conrado Rabara y Arizal, 31, naasawaan, ken residente iti Barangay Pandan, Caoayan, Ilocos Sur a natakaw iti uneg ti Morales Video Production and Internet Cafe ti maysa a laptop nga Acer 1 nga agbalor iti sumurok kumurang P19,000.00.

Segun iti biktima, pimmanaw iti internet cafe idi agarup 6:30 ti sardam ti nadakamat a petsa ket idi agsubli iti agarup 8:00 iti dayta met la a sardam, naduktalanna laengen a naporsar a naluktan ti padlock ken door knob ti nasao a business establishment ket awanen ti laptopna.

Di pay ammo ti kinasiasino dagiti nagtakaw iti internet cafe.#

Comments are closed.