Footer

3 coastal barangays, naideklara iti sidong ti kalamidad

VIGAN CITY – Tallo a coastal barangays ditoy siudad ti naipasidong iti state of calamity gapu iti pannakadidigrada iti Bagyo Dindo a dimmalapus iti probinsia itay nabiit.

Impasa ti Sangguniang Panlungsod ditoy ti Resolution No. 24 a nangideklara iti Barangay Mindoro, San Pedro, ken Pantay Laud iti babaen ti state of calamity gapu iti panagsagabada iti coastal erosion ken panaglayus gapuanan ti aluyo nga impaay ti Bagyo Dindo.

Nasurok a P400,000.00 ti pateg dagiti nakabulos a lames ken nadadael a pamupokan kadagiti nadakamat a barangay iti pannakalayusda maigapu iti panagaluyo ti baybay a pinataud ti ilalasat ni Bagyo Dindo.

Iti babaen ti state of calamity mausar ti city ken barangay governments dagiti tallo a barangay ti pondoda iti kalamidad para iti rehabilitasion dagiti coastal areas.

Karaman kadagiti manamnama nga iyussuat a proyekto ti city government  ti pannakasimpa ti seawall ken pannakabangon ti dadduma nga imprastruktura a mangted proteksion iti biag ken sanikua kadagiti maseknan a barangay.#

Comments are closed.