CANDON CITY – Tallo a lallaki ti inaresto dagiti polis gapu iti panagsusugalda iti sanguanan ti maysa a pagtagilakuan iti igid ti national highway a sakup ti Barangay San Isidro ditoy siudad idi rabii ti Hulio 9.

Natiliw dagiti polis da Gilbert Novida y Lique, 22, baro, ken residente iti Barangay San Isidro; Roger Naungayan y Garcia, 34, naasawaan, residente iti Barangay Oaig Daya; ken Sonny Galanto y Elgamo, 29, naasawaan, residente iti BarangayCaterman bayat ti panagsusugalda iti cara y cruz iti sango ti Goldstar Trading iti agarup alas 9:15 ti rabii ti Hulio 9.

Nakumpiska met dagiti pustada a dua a P100.00; maysa a P50.00; 3 a sag-P20.00; ken maysa a P10.00 coin; 18 a P5.00; 20 a P1.00; ken 2 paris a P.25 nga inusarda a pinagbuntayog.

Naipan dagiti natiliw agraman dagiti nakumpiska a kuarta iti police station para iti maikanatad a disposision.#