Footer

Baro nga annuroten iti ikanan ti tiendaan, naipakat

CABUGAO, Ilocos Sur – Nangrugi a naipakat ti baro a pagannurotan iti ikanan ti Northern Ilocos Sur Commercial Center ditoy nga ili idi Hulio 5, segun iti mangidaulo iti task force ti tiendaan.

Kinuna ni Nestor Somera, mangidaulo iti Task Force NISCC, aglamisaanen dagiti aglako iti ikan iti tiendaan, saan a kas iti napalabas a mabalinda nga iyakar-akar ken ikabil ti lakoda iti sabali a puesto.

Kasapulan pay nga adda pagikabilanda kadagiti basurada kas dagiti asang, siksik, siit ken dadduma pay a pagdalusan iti ikan no agpartida, kasta met a dalusanda ti lamisaanda sakbay a panawanda iti rabii.

Karaman a pagannurotan ti pannakamonitor dagiti pagkiluan ket mapakatan iti multa ken makumpiskar ti pagkiluanna ti  asinoman a maduktalan a naglabsing iti paglintegan.

Impasingked ni Somera nga agtultuloy ti panangmonitorda iti zoning ti tiendaan.#

Comments are closed.