Footer

Provincial director, napnek iti pannakaimaton dagiti police checkpoints

BANTAY, Ilocos Sur –  Napnek ti provincial director iti pannakaimaton dagiti checkpoint nga impasdek dagiti nadumaduma a police stations ditoy probinsia.

Daytoy ti komento ni Police Provincial Director Senior Supt. Noel Amuyen kalpasan ti insayangkat ti police provincial office  nga indauluanna, kaduana dagiti dadduma a personnel ti provincial command, nga on the spot validation kadagiti naipasdek a checkpoint sapasap.

Karaman kadagiti nakita ti provincial director a nasayaat ti pannakaimatonna dagiti checkpoint ti ili ti Bantay, San Vicente, Santiago, Sinait, Banayoyo, Galimuyod, Santa, Candon, Sta. Maria, Burgos, Lidlidda, San Emilio, Santa, Cabugao, San Ildefonso, Sta. Catalina, Sto. Domingo, Vigan, ken Caoayan.

Maipalagip nga imbilin ni Amuyen ti pannakaipuesto ti checkpoint sapasap gapu kadagiti napasamak iti naglabas a nagsasaruno a pammapatay ken pannakaserrek dagiti balbalay kadagiti nagduduma  a paset ti Ilocos Sur.

Nagpalagip ni Amuyen a masapul a kanayon  a nadayaw ti polis a maipuesto kadagiti checkpoint, kasta met a  kumpleto dagiti gamitda kas iti flashlight, megaphone, ken updated checkpoint signage.#

Comments are closed.