Footer

School bags, supplies, bagas, naiwaras kadagiti Grade I pupils

CANDON CITY – Nawarasan itay nabiit dagiti amin a Grade I pupils nga agbasbasa iti publiko a pagadalan iti elementaria ditoy siudad iti school bags, supplies, kapote, bagas ken pangontra iti lamok.

Tunggal bag ket naglaon iti notebook, papel, lapis, eraser, tahar, krayola, pencil case, kapote, ken sachet ti mosquito repellent.

Daytoyen ti maikapito a tawen a programa administrasion ni Mayor Allen Singson tapno matulongan dagiti agbasbasa iti 25 a publiko a pagadalan iti elementaria ditoy siudad.

Sabali laeng ti programa ni Singson a mangited iti financial assistance kadagiti agbasbasa iti first year ken ti pannakaited iti scholarship grant iti dua gasut nga agbasbasa iti kolehio. (Danny Antalan)