Footer

Barbarangay, nawarasan sag-100 a sako ti semento

SAN ESTEBAN, Ilocos Sur – Maysa ti lokal a gobierno ditoy kadagiti nakaawat iti sangaribu a supot ti semento a maiwaras kadagiti amin a barangay daytoy nga ili.

Impakaammo ni Mayor Chester Elaydo nga adda naited iti ilida a 1,000 bags a semento a maiwaras kadagiti amin a barangay ti San Esteban.

Makabingay tunggal barangay iti 100 bags a semento.

Kinuna ti mayor a nagtaud ti pondo manipud iti congressional fund ni Cong. Eric Owen Singson.

Innayon ni Elaydo a makaammon dagiti barangay officials nga agplano no ania ti pangusaranda iti semento para iti pagsayaatan ti barangayda.

Segun met iti dadduma a kapitan ditoy, pagsasaritaanda pay kadagiti dadduma nga opisial ti barangay no ania a proyekto ti pakaaramatan ti nasao a 100 bags a semento.#