Footer

Utility worker, dead on the spot iti pammaltog

SINAIT, Ilocos Sur – Natay a dagus ti maysa a utility worker ti munisipio ditoy nga ili gapu iti pannakatatekna iti bala bayat ti kaaddana iti dalanna nga aggawid sadiay Barangay Namnama idi rabii ti Hulio 18.

Segun ken ni Sinait Chief of Police Arsenio Ramos, cal. 30 carbine ti naaramat a pinangpatay ti saan pay a nabigbig a suspek ken ni Rolly Bautista, 46, balo, ken residente iti Barangay Namnama kas maibasar kadagiti naalada nga innem a kapsula iti nakapasamakan ti krimen.

Iti inisial nga inbestigasion dagiti polis, aggawiden ti biktima a nakabisikleta idi agarup alas 8:30 ti rabii ti nadakamat a petsa idi nasaneb ken napaltopaltogan.

Naglibas ti suspek iti saan nga ammo a direksion, kuyogna ti paltogna.

Kinuna ni Ramos nga iti naglabas, adda manen napaltogan babaen ti carbine iti nasao a lugar ket daytoy ti inbestigarenda.

Patien ti hepe ti polis a residente iti asideg ti crime scene ti akinresponsible iti krimen.#

 

Comments are closed.