Footer

EDITORIAL: Ti naatap a medalia a balitok iti Olympic Games

Nangrugi ti London Games itay Hulio 27 ken agpatingga inton Agosto 12. Iti pannakaisurat daytoy, mabalin a naipakon dagiti atletatayo iti internasional a paay-ayam nga ad-adda laeng a mangipaduyakyak iti dakkel a pagkamtudan ti sports ditoy pagiliantayo.

Sangapulo ket maysa laeng dagiti atleta ti Filipinas a napan iti London tapno makisalip iti paay-ayam a pakibalubalan dagiti kalaingan nga atleta dagiti nadumaduma a pagilian.

Dakkel dagiti insentibo nga iyayat ti nasional a gobierno iti babaen ti Incentives Act: P5 million para gold medal winners, P2.5 million para silver medal winners; ken P million para bronze medal winners.

Ngem iti baet ti kinadakkel ti naitanggaya a gunggona nga agur-uray kadagiti atletatayo iti pannakisalisalda iti London Olympics, kasano kadakkel (wenno kabassit) ti tsansa a makasungkitda iti medalia?

“Diak ipadto nga adda abakentayo a medalia, ngem saanak a masdaaw no maysa kadakuada ti mangiyawid iti medalia,” nakuna ketdi ni PSC chief Richie Garcia.

Di pay maitudo ni Garcia no asino kadagiti atletatayo ti adda tsansana a mangabak iti medalia.

Ti laeng maipasigurado ni Garcia ket ipakat dagiti atletatayo amin a kabaelanda a mangtun-oy iti naatap a medalia iti sanguanan ti nabayagen a tikag iti sports iti pagilian.

Maipalagip nga idi 1996, inyalat ni Manxueto “Onyok” Velasco ti silver medal iti boksing iti Atlanta Olympics. Ngem kalpasan dayta, natikaganen ti pagilian iti medalia.

Saan a panangibaba iti kabaelan dagiti atletatayo ngem iti daytoy a pannakisalipda kadagiti kalalaingan nga atleta iti sangalubongan, nakaay-ay-ay a buyaen a kaadduanna kadakuada ti agabog kadagiti kasalipda. Impakatda ti kabaelanda, agpayso, ngem ti kabaelanda ket saan pay a pumatar iti kakapsutan dagiti atleta dagiti sabali a pagilian.

Nasakit nga annugoten, ngem saanto nga agbaliw ti kastoy a buya iti masakbayan agingga iti saan nga agbaliw ti sistema ti panagpatanortayo kadagiti atletatayo.

Ania met ngamin ta ad-adda met a pinnolitika ti mapaspasamak kadagiti dadaulo dagiti sports organizations. Kasta met nga anansata ta agkamtud la ngaruden dagiti pondoda, saan pay a maiburay dagitoy para iti abasto dagiti atleta,  iti kumpleto ken moderno a training equipments, eksperto a trainers, ken panangited kadakuada iti naan-anay nga exposure kadagiti internasional a kumpetision?#ti agrikultura. Rumbeng laeng nga agtinnulong dagiti mannalon ken ti gobierno.#

Comments are closed.