Footer

Region 1 police, nangisayangkat iti medical mission

SUDIPEN, La Union – Nagtipon dagiti kameng ti Regional Health Service 1 (RHS1) ken Regional Police Community Relations Division (RPCRD) a nangisayangkat iti medical, optical ken dental mission outreach program iti Old Central ditoy nga ili idi Hulio 25.

Agdagup iti 672 a pasiente manipud iti Barangay Old Central, Namaltugan, Up-uplas ken Ilocano ditoy nga ili ti nabenepisiaran iti nasao a medical mission nga inesponsoran ti ABS Partylist nga idauluan ni Representative Catalina Leonen-Pizarro.

Agdagup iti 345 ti naipaayan iti libre a medical check-up, 251 iti libre nga optical service ken 76 a pasiente ti naikkan iti libre a dental check-up ken napag-otan iti ngipen.

Segun ken ni Police Chief Supt. Franklin Jesus B. Bucayu, regional director ti PRO1, agtultuloy ti Region 1 police a mangaramid iti sosial a responsibilidadna kas pangipakitana iti pammategna iti komunidad babaen ti pannakikammayyet dagiti nadumaduma a sektor.#

Comments are closed.