Footer

3 menor de edad, natiliw nga aguk-ukod iti baka

SAN ESTEBAN, Ilocos Sur – Menor de edad pay laeng dagitoy ngem aggagabdan iti baka.

Iti pannakaisurat daytoy, nakakustodia da Mark, 17, baro; Jojo, 17; ken Bobby, 14, (parbo ti naganda ta menor de edadda) scrap collectors ken residente iti Barangay Daya, Sta. Maria, Ilocos Sur.

Nakalibas ti kaduada a nainaganan Danny Arzadon, kalugaranda met laeng, ket birbiroken dagiti polis.

Nasalamaan dagiti polis dagiti suspek nga aguk-ukod iti puraw a babai a baka bayat ti panagpatroliada iti national highway a sakup ti Barangay San Nicolas ditoy nga ili idi agarup ala una ti malem ti Agosto 1.

Nagtataray a naglibas dagiti suspek idi makitada dagiti polis ngem nakamatan dagitoy ti tallo kadakuada.

Naammuan iti inbestigasion nga inukod dagiti suspek ti baka iti nakaiwaywayanna iti Barangay Nalvo, Sta. Maria, Ilocos Sur.

Gapu ta menor de edadda, naipaima dagiti suspek iti MSWDO ditoy nga ili.#