Footer

Di pannakairaman indigent a pamilia iti 4Ps, naipabasol barangay captains

SAN JUAN, Ilocos Sur – Linagidaw ti maysa a dadaulo ti barangay ti pannakapabasolda nga adda pannakainbolbarda iti saan a nasayaat nga implementasion ti Pantawid Pamilyang Pilipino Program ditoy nga ili.

Segun ken ni ABC President Edwin Singson, mapabpabasolda iti saan a pannakailista dagiti indigent a kabarangayanda a benepisario iti 4Ps idinto a nairaman iti listaan dagiti adda kabaelanda a kalugaranda.

Impalawag ni Singson a saan nga isuda a barangay captains ti naggapuan ti listaan dagiti benepisario ti 4Ps ditoy nga ili.

Inyunay-unay ti ABC president nga uray isuna ket awan ti pannakaammona iti pannakailista dagiti benepisario iti 4Ps gapu ta saanda a naibibiang a barangay captains iti surbey nga insayangkat dagiti enumerators nga imbaon ti nasional a gobierno.

Kanaig daytoy, nangidatag ni SBM Felipe Villa, Jr., ti resolusion a mangkidkiddaw iti DSWD ti pannakairaman amin nga indigent nga adda iti listaan ti barangay captain a benepisario ti 4Ps.#

 

Comments are closed.