Footer

Lalaki, ginuyod ti agus, nalmes

TAGUDIN, Ilocos Sur – Nalmes ti ti maysa a lalaki idi ginuyod ti napigsa nga agus bayat ti panagdigosna iti baybay a sakup ti Sitio San Roque, Bagong Baryo, Barangay Dardarat ditoy nga ili idi aldaw ti Agosto 1.

Iti report manipud iti police station ditoy, sakbay ti nasao nga insidente, naggiinom da Anthony Capsuyen y Bugtong, 25, naasawaan, natibo ti Tagpeo, Dinwende West, Cervantes, Ilocos Sur ken dagiti gagayyemna ket naturog iti nagiinomanda.

Naggawid ti biktima iti alas 11:00 ti aldaw ti Agosto 1, sa nagturong iti baybay tapno agdigos ngem ginuyod ti napigsa nga agus a puon ti nakalmesanna.

Idi maalaw dagiti immarayat a kaarrubana, intarayda ti biktima iti Tagudin General Hospital ngem naideklara nga awanen ti biagna.#