Footer

Nagtakaw iti junk shop, nabigbig babaen ti CCTV

VIGAN CITY, Ilocos Sur – Saan a nakapaglibak ti maysa a baro nga isu ti nagtakaw iti maysa a junk shop ditoy a siudad kalpasan a nabigbig babaen ti CCTV.

Naiyendorso ti kaso a robbery maikontra ken ni Salino Wakit Arellano, 18, baro, ken residente iti Barangay III, gapu iti panagtakawna iti Vigan Junk Shop a mapapati nga insayangkatna idi rabii ti Hulio 26.

Natakaw iti nasao a junk shop ti P20,000.00 a naikabil iti uneg ti drawer ti lamisaan iti opisina ti junk shop.

Nabigbig ti suspek babaen ti CCTV a pinagandar ti akinkukua sakbay a pinanawanna iti rabii ti Hulio 26.

Simrek ti suspek iti opisina babaen ti panangdadaelna iti bisagra a nakaikabitan dagiti dua a padlock ket ditoy met laeng ti rimmuaranna kalpasan ti panagtakawna.#

Comments are closed.