Footer

Rice harvester, naited iti Sto. Domingo

STO. DOMINGO, Ilocos Sur – Maysa a farm equipment ti inted ni Congressman Ryan Luis Singson nga aramaten dagiti mannalon ditoy nga ili iti panagtalonda.

Personal nga inyawat ni Singson ti rice harvester kada Mayor Amado “Lito” Tadena ken ni Vice Mayor Floro “Butch” Tadena iti simple a programa a sinaksian dagiti barangay officials ditoy nga ili.

Segun ken ni Singson, daytoy ti kaunaan a harvester a proyektona iti primero distrito, kas paset ti programana a panangpamoderno ti panagtalon iti masakupanna.

Kinuna ni Mayor Tadena a ti pay laeng munisipio ti mangmanehar iti nasao a harvester ket adda mapusgan a mangiggem iti nasao nga equipo.

Innayonna a mabalin a sublaten ti asinoman a mannalon ti nasao nga ekuipo ngem adda maituding a bassit nga obligasionna a mausar met laeng para iti pannakamantener ti nasao nga ekuipo.#

Comments are closed.