Footer

Bakuna kontra rabies maipaay a libre

CANDON CITY –  Awan ti magasto dagiti agpabakuna iti kontra rabies ditoy siudad, daytoy ti impakaammo ti Candon City Farmers’ Health Center itay nabiit.

Kinuna ni Dr. Narciso Ramos nga awan ti bayadan dagiti makagat iti aso nga agpabakuna iti center no la ketdi adda available a vaccines.

Kinuna ni Ramos a nadaras a maibbus ti bakuna kontra rabies agsipud iti kaadu dagiti agpaindieksion iti center a naggapu pay iti kabangibang nga ili kas iti Sta. Cruz, Tagudin, Sta. Lucia, Burgos, Gregorio del Pilar ken dadduma pay agsipud ta awan ti bayadanda.

Naammuan ken ni Ramos a quarterly ti panaggatang iti daytoy a bakuna nga aggapu iti pondo nga inlatang ti gobierno ti siudad.

Mamitlo a mabakunaan iti active vaccines dagiti pasiente a nakagat ti aso, ngem no grabe ti nakagat, mabakunaan daytoy iti passive vaccines tapno saan nga agwaras ti rabies iti bagi ti tao. (Danny Antalan

Comments are closed.