Footer

Babai a swindler, naipiskot dagiti polis

MAGSINGAL, Ilocos Sur – Nagpullo ti maysa a swindler a babai kalpasan a natiliw dagiti polis iti naglugananna a bus sadiay Sto. Domingo, Ilocos Sur idi malem ti Agosto 11.

Sakbayna, binallaibo ni Vivilyn Manuel y Quiabang, 42, naasawaan, ken residente iti Barangay Taliao, Burgos, Ilocos Sur  ni Princess Charm Tolentino y Molina, 22, balasang, ken residente iti Barangay San Lucas, Magsingal a mangited kenkuana iti P10,000.00

Mapapati a pinagparang ti suspek nga adda order kenkuana ti kabsat ti biktima sana imparang ti maysa a resibo a nakailanadan ti kolektaenna.

Dagus a nagpatulong ti biktima iti polis idi naduktalanna nga inallilaw ti suspek.

Nangiwayat dagiti polis iti hot pursuit operation ket natiliwda ti suspek iti uneg ti naglugananna a minibus.

Nakumpiska iti ikut ni Manuel ti cash money a P10,000, assorted nga alahas, blangko a cash voucher ken acknowledgment receipt ken resresibo ti pagsaldaan iti nadumaduma a gatad.

Naipan ti suspek iti Sto. Domingo police station sa naipaima iti polis-Magsingal.#

Comments are closed.