Footer

Mannalon ti San Esteban, naipaayan libre a ganagan

SAN ESTEBAN, Ilocos Sur – Naiwaras ti libre a ganagan kadagiti mannalon ditoy nga ili idi umuna a lawas ti Agosto.

Segun ken ni Municipal Agriculture Officer Artemio Ringor, naggapu ti pondo manipud iti bingay ti munisipalidad iti RA 7171.

Innala dagiti mannalon ti libre nga abonoda iti sumaganad nga iskediul:  Agosto 7 – Barangay Bateria, Villa Quirino ken Poblacion;  Agosto 8 – Barangay Cabaroan ken Ansad; Agosto 9 – Barangay Cappa-cappa, San Pablo ken San Rafael; ken Agosto 10 – Barangay San Nicolas ken Apatot.

Ipapaay ti gobierno lokal daytoy tunggal adda maawatna a bingayna manipud iti RA 7171.

Agdagup iti  P13,336,563.00 ti bingay ti San Esteban  iti daytoy kaudian a release ti pondo manipud iti RA 7171.

Agdagup iti 1,087 dagiti registered a mannalon ditoy nga ili.#

Comments are closed.