Footer

Municipal building, manamnama a maileppas

SUYO, Ilocos Sur – Ita ta napasangpetdan ti bingay ti munisipio iti RA 7171, manamnama ti pannakaileppas ti balay ti ili ditoy, segun iti mayor ditoy.

Segun ken ni Mayor Samuel Subagan, iti pannakai-release ti 60% ti municipal share ti ili iti RA 7171, namnamaenna nga ti panagtapos daytoy a tawen, “addakaminton  amin nga empleado iti municipal hall”.

Tallo kadsaaran ti nasao a balay ti ili.

Impalgak ti mayor a sumaruno nga igannuatda ti pannakaipatakder ti tiendaan ti ili.

Kinunana a ti ili nga awan ti tiendaanna ket naginad ti panagdur-as ti ekonomiana agsipud ta awan ti pagilakuan iti produktoda.#

Comments are closed.