Footer

Nagpaputok a delivery boy, nasaklangan iti kaso

NARVACAN, Ilocos Sur – Nasaklangan ti maysa a lalaki iti illegal discharge of firearm iti assistant provincial prosecutor’s office ditoy idi Agosto 12.

Idi agarup 1:40 ti malem ti Agosto 11, nagturong dagiti polis iti Barangay Baliw Daya, Sta. Maria  kalpasan a nakaawatda iti report manipud ken ni Florence Castillo y Bornia, 31, awanan asawa, ken residente iti Barangay Poblacion Norte, Sta. Maria a maysa a lalaki ti nagpaputok iti Barangay Baliw Daya.

Nasamsam dagiti polis nga indauluan ni SPO3 Joel Peña, Intel PNCO ken babaen ti direkta a superbision ni PSInsp. Reynaldo Carrido Mendoza, Jr., Officer in Charge ti  Sta. Maria police station iti ikut ni Noli Dela Cruz y Mendoza, 23, ken residente iti Barangay Baliw Daya, Sta. Maria ti maysa a Taurus 9mm pistol, stainless, addaan serial no. TPC 68991, addaan magazine assembly nga awan kargana a bala.

Awan ti naipakita ni Dela Cruz a lisensia ti nasao a paltog.

Nasaklangan ni Dela Cruz iti panaglabsing iti PD 1866 as amended by RA 8294.#

Comments are closed.