Footer

13 consistent top performing LGUs iti napalabas a 3 tawen, innaganan ti DILG

MANILA – Sangapulo ket tallo a probinsia, siudad ken munisipalidad ti consistent top performing local government units iti napalabas a tallo a tawen, segun iti Department of Interior and Local Government.

Daytoy ti press release a naggapu iti opisina ti Department of Interior and Local Government idi Agosto 14, sumagmamano nga aldaw sakbay a natay ni DILG Secretary Jesse M. Robredo gapu iti pannakaikras ti eroplano a naglugananna iti kabaybayan ti Masbate idi Agosto 18,

Iti statement manipud ken ni Robredo, innagananna a consistent top performing LGUs ti probinsia ti La Union, Cavite, Albay ken Ilocos Norte; dagiti siudad ti Valenzuela, Makati, Angeles, Taguig, Davao, Laoag, Vigan, ken Cabanatuan; ken ti munisipalidad ti Ilagan iti probinsia ti Isabela.

“Padayawak dagitoy a lokal a gobierno gapu iti saan nga agressat a commitmentda nga agpangato ken mangmentener iti kangatuan a pagbatayan iti pannakaipaay iti serbisio publiko iti saklawda a lokalidad. Ti narimat nga ehemploda ti agpaay nga inspirasion kadagiti sabali tapno ad-adda pay ti panagtrabahoda iti mandatoda,” kinuna ni Robredo.

Segun iti DILG secretary, regular nga adda dagiti 13 nga LGUs iti kangatuan a sangapulo a gobierno iti probinsia, siudad ken munisipalidad a nakagun-od ti kangatuan a puntos para iti tawen 2009 agingga iti 2011 iti isaysayangkat ti departamento a Local Governance Performance Management System (LGPMS) tunggal tawen.

Nagraduan ken naranggo dagiti lokal a gobierno maibatay iti performance area index manipud iti maysa (kababaaan) agingga iti lima (kangatuan) kadagiti sumaganad: administrative governance, social governance, economic governance, environmental governance and fundamentals of good governance, which include transparency, participation and financial accountability.

Kinuna pay ti DILG secretary a saan laeng a pammigbig ti magun-od dagiti napili a best performing LGUs no di pay maikkanda iti gundaway a mainominar iti Gawad Pamana ng Lahi a maipapaay kadagiti LGUs a mangitag-ay iti doktrina ti nasayaat a panangituray kas maiyannurot kadagiti pagbatayan, a pakairamanan ti LGPMS.

Dagiti sumaganad dagiti top performing provincial, city ken municipal governments para iti 2011:

Probinsia – Bohol, 4.91; La Union, 4.89; Cavite, 4.88; Pangasinan, 4.87; South Cotabato, 4.864; Mountain Province, 4.855; Albay, 4.839; Bulacan, 4.836; Rizal, 4.832; ken Ilocos Norte, 4.828.

Highly urbanized Cities – San Juan City, 4.9; Puerto Princesa City, 4.88; Iloilo City, 4.87; Valenzuela City, 4.85; Makati City, 4.819; Angeles City, 4.816; Tacloban City, 4.77; Quezon City, 4.75; Taguig City, 4.71; and Davao City, 4.7.

Component Cities – Laoag City, 4.99; Naga City, 4.93; Vigan City, 4.921; Ligao City, 4.917; Tagaytay City, 4.87; Cabanatuan City, 4.86; Dipolog City, 4.83; Calamba City, 4.82; San Fernando City, La Union, 4.81; and La Carlota City, 4.79.

Municipalities – Ilagan, Isabela, 4.92; Carmona, Cavite, 4.9; Santol, La Union, 4.89; Alimodian, Iloilo, 4.883; San Mateo, Isabela, 4.879; San Luis, Aurora, 4.86; Surallah, South Cotabato, 4.843; Maslog, Eastern Samar and New Lucena, Iloilo, 4.839; Bacoor, Cavite, 4.822; and San Gabriel, La Union, 4.820.#