Footer

Motorista, naikras gapu iti walang nga aso

VIGAN CITY – Linisian daytoy biktima ti walang nga aso iti kalsada ngem naikras ti luganna a nagresulta iti pannakatayna ken pannakadundunor ti insakayna.

Naideklara a dead on arrival ni Chester Pilier y Vitamog, 16, barito, ken residente iti Barangay San Jose ditoy siudad gapu kadagiti grabe a sugatna idinto a nadundunor ti insakayna a ni Chandler Paz y Balangatan, 16, barito, ken residente iti San Julian Norte ditoy met laeng siudad.

Segun iti report ti polis, idi agarup 11:48 ti rabii ti Agosto 23, agdaldaliasat ti motorsiklo a Honda TMX a minaneho ni Pilien idi kellaat a bimmallasiw ti maysa a walang nga aso iti kalsada ket iti pananglisi ni Pilien, naidungpar ti luganda ti maysa a kongkreto a tugaw.

Segun pay iti report, mapapati a nakainom dagiti dua a biktima.#

Comments are closed.