Footer

Nagbugkaw a nabartek, natagbat

TAGUDIN, Ilocos Sur –  Imbes a mapan maturogen gapu ta nabartek, natagbat la ket ngarud daytoy a tricycle driver gapu iti panangbugkawna iti kaarrubada sadiay Barangay Dardarat ditoy nga ili idi Agosto 17.

Iti report manipud iti polis ditoy, nakainom ni Alex Dominador Lagria, Jr., 26, naasawaan, ken residente iti nadakamat a barangay ket binugkawanna ni Juanito Ventura y Guinsatao, 53, naasawaan, mannalon, a nairana a limmabas a nakabisikleta.

Mapapati a saan a nagustuan ni Ventura ti pannakabugkawna ket dimsaag iti bisikletana sana kinumpronta ti biktima a nagtungpal iti nabara a panagsubangda ken nakatagbatan ti ulo ni Lagria.

Naitaray ni Lagria iti Tagudin General Hospital and Capillariassis Center (TGHCC), Bio, Tagudin, Ilocos Sur idinto a naglibas ti suspek, kuyogna ti pinangtagbatna iti biktima.#

Comments are closed.