Footer

PRO1, DMMMSU nagpinnirma iti MOA para iti panaglukat pagadalan dagiti polis iti Rehion

SAN FERNANDO CITY – Nagpinnirma ti Police Regional Office 1 ken ti Don Mariano Marcos Memorial State University-Open University System iti katulagan para iti pannakalukat ti pagadalan para kadagiti polis iti rehion.

Sinaguday ti memorandum of agreement a pinirmaan idi Agosto 13 ti DMMMSU nga imbagi ni Atty. Benjamin Sapitula, presidente, ken ti PRO1 nga imbagian ni Police Chief Supt. Franklin Jesus B. Bucayu, regional director, ti pananglukat ti nasao a pagadalan kadagiti programa para kadagiti police personnel iti Saturday classes ken iti distance education mode tapno maikkanda iti access iti nakalidad, epektibo, episiente ken produktibo nga edukasion.

Akomodaren pay ti DMMMSU-OUS dagiti PNP personnel a kas propesor, mangisuro ken guest lecturers ti nasao a pagadalan a maikkanda iti maikanatad a sueldo ken honoraria.

Iti sabali a bangir, ited met ti  PRO1 dagiti estudiante nga agenrol ken ag-avail iti programa ti DMMMSU-OUS iti Learning Center a nakabase iti compound daytoy iti Catbangen, San Fernando City ken tumulong iti pannakaipaay dagiti propesor, mangisuro, guest lecturers ken resource persons no kasapulan ti nasao a Learning Center.

Impeksa ni Bucayu ti panangdayawna iti nasao a partnership agsipud ta makatulong kadagiti polis iti pannakaidur-as ti karerada a mamagbalin ti PRO1 a pudpudno a produktibo ken mannakitinnulong a law enforcer iti sibubukel a komunidad.#

Comments are closed.