Footer

Rangtay a mamagsilpo iti Suyo ken Sigay, dandanin malpas

SUYO, Ilocos Sur – Manamnama a maitag-ay ti panagdur-as daytoy nga ili no malpas ti maar-aramid a rangtay iti nagbaetanda ti Sigay.

Kinuna ni Mayor Samuel Subagan a dakkel a katulonganda ti nasao a rangtay agsipud ta maysa a barangay a sakup daytoy nga ili ti isolated no panawen ti panagtutudo.

Kinuna ti mayor a ti rangtay ti mamagsilpo iti Sigay ken Suyo ket dakkel ti tulongna daytoy iti ilina.

Innayon ni Subagan nakapatpatangnan ni Mayor ti Sigay Aris Gaerlan ket segun iti daytoy, bassit laengen ti makongkreto a kalsada a sumilpo iti rangtay ket nadardaraston ti pannakaibiahe dagiti produkto manipud iti Sigay ken Del Pilar a pakairanudan met ti Suyo.

Manamnama a malpas ti rangtay agingga iti agtapos daytoy a tawen.#

Comments are closed.