Footer

4 nataengan, 3 addaan rangkap, naikkan iti wheelchair

SAN VICENTE, Ilocos Sur – Uppat a nataengan ken tallo nga addaan rangkap nga agnaed ditoy nga ili ti naikkan iti wheelchair manipud iti opisina ni Gov. Luis “Chavit” Singson idi Agosto 28.

Karaman ditoy da Alejo Rigor, agtawen iti 59 (Sitio Nagtupakan, Pudoc Sur); Monica Duppayan, agtawen iti 24 (Sitio Baldi, Bantaoay); Marie Claire Rabbon, agtawen iti walo (Lubong); Leodegarda Rabe, agtawen iti 84 (Lubong); Ignacia Real, agtawen iti 58 (Bayubay Sur); Jose Rojas, agtawen iti 54 (Bayubay Sur), ken Rodolfo Amoyo, agtawen iti 58 (Bayubay Norte).

Pinagyamanan ni Mayor Nancy Tabanda ti madagdagus a pannakaited ti kiddawda a wheelchair. Inyawatan pay ti mayor iti grocery items dagiti pito kas tulongna kadakuada.

Agtultuloy ti programa ti gobernador a panagiwaras iti wheelchair kadagiti agkasapulan a kaprobinsiaan. (Mancielito S. Tacadena)