Footer

Baro, linibasna nga intaray insaldana a motorsiklo

VIGAN CITY – Naikustodia ti maysa a baro iti police station ditoy gapu iti panangitalawna iti maysa a motorsiklo sana insalda.

Nagreport iti polis ni Evaristo Singson y Ancheta, 42, naasawaan ken residente iti Barangay VI ditoy siudad nga intaray ti maysa a Chester Claudio y Macapagal, 35, baro, ken residente iti Barangay VIII ti sinaldaanna a motorsiklo a Suzuki Spek 125 idi agarup alas 10:30 ti rabii ti Agosto 25.

Iti panagimbestiga dagiti polis, naammuan nga adda iti uneg ti pagtaenganda ti biktima idi masiputanna nga addan ti  suspek iti ruar a nakalugan iti motorsiklona.

Kinamat ti suspek ken dagiti empleadona ti suspek ngem saanda a nakamakam.

Nangisayangkat dagiti polis iti hot pursuit operation ket natiliwda ti suspek ngem awanen ti motorsiklo.

Iti panagpalutpot dagiti polis, naammuan nga insalda ni Claudio ti motorsiklo ken ni Singson iti P9,000.00.#

Comments are closed.