Footer

Nakaruar iti June 2012 Nurses Licensure Examination, naiwaragawag

BAGUIO CITY – Inwaragawag ti Professional Regulation Commission (PRC) a 27,823 manipud iti 60,895 nga examinees ti nakaruar iti June 2012 Nurses Licensure Examination (NLE) nga insayangkat ti Board Of Nursing kadagiti nadumaduma a testing centers iti pagilian.

Iti waragawag ti Baguio Regional Office, agdagup iti 2,215 manipud iti 4,917 wenno 45% dagiti nakapasa nga examinees iti Baguio; 91 manipud iti 2,385 (37%) ti nakapasa iti Dagupan; 657 manipud iti 1,976 (33%) ti nakapasa iti Cabanatuan; ken 712 manipud iti 1,409 (51%) ti nakapasa iti Laoag.

Kanaig daytoy, agproseso ti BRO kadagiti nakaruar nga examinees iti nasao nga uppat a testing centers iti inisial a rehistrasion kadagiti sumaganad:

Baguio Testing Center: Agosto 28- Baguio Regional Office; Sept. 4 – Lorma Colleges, San Fernando City, La Union; Sept. 11- Union Christian College, San Fernando City, La Union

Dagupan: Aug. 29 – Don Narciso Ramos Gym, Lingayen Pangasinanl; Sept. 3 – Urdaneta City Cultural and Sports Center, Urdaneta City Pangasinan

Laoag City: Aug. 25 – MMSU-CTE, Laoag City, Ilocos Norte; Aug. 26 – University of Northern Philippines, Vigan, Ilocos Sur; Sept. 28, Laoag City Hall, Laoag City, Ilocos Norte; Oct. 2, University of Northern Philippines, Vigan, Ilocos Sur

Maiwaragawagto ti pakaprosesoan ti rehistrasion ken petsa dagiti nakaruar nga examinees  manipud iti Cabanatuan Testing Center.#

Comments are closed.