Footer

Barangay captain, 2 natiliw a nagikut iti armas iti videoke bar

STA. MARIA, Ilocos Sur – Dua a lalaki a pakairamanan ti maysa a barangay kapitan ti nakasuan iti panaglabsing iti RA 8294 idinto a naipaima ti kaduada a menor de edad iti DSWD gapu iti panagikutda iti armas bayat ti panaginomda iti maysa a videoke bar iti abagatan a paset ti tiendaan ditoy nga ili idi rabii ti Setiembre 5.

Nabigbig dagiti natiliw a da Danilo Bitania y Tamayo, 40, naasawaan, brgy. captain ti Brgy. Pacang, Sta. Maria; Renato de Peralta Jr. y de Peralta, 36, bari, utility worker ken residente iti Brgy. Marcos District, Santa; ken ni Andrew, (parbo a nagan gapu ta menor de edad), 15, baro, ken residente iti Brgy. Butir, Sta. Maria.

Natiliw ti maysa nga awanan lisensia a Colt 45 pistol nga addaan iti maysa a magazine assembly ken 3 a bala ken ni Bitania, maysa  nga Armscor Cal. 49 pistol ti nakumpiska ken ni de Peralta, ken kitchen knife ken ni Calibuso.

Nupay lisensiado ti paltog ni de Peralta, awan ti naipakitana a permit a mangikuyog iti nasao a paltog iti ruar ti pagtaenganna.

Nasukalan dagiti tallo a nagtagiarmas bayat ti panagipakat dagiti polis iti Oplan Sita/Bakal iti nasao a paginuman.#

Comments are closed.