Footer

Baro, napaltogan iti sango ti tienda

BANTAY, Ilocos Sur – Pinaltogan ti armado a lalaki ti maysa a baro a puon ti nakatayanna a dagus iti sango ti maysa a tienda iti Zone V, ditoy nga ili idi rabii ti Septiembre 3.

Naideklara nga awanen ti biag ni Norvin Arcano y Gelacio, 24, baro, awanan panggedan, ken residente iti nadakamat a barangay gapu kadagiti sugatna iti nadumaduma a paset ti bagina.

Segun iti report, agtugtugaw ni Arcano iti sango ti German’s Store idi immasideg ti di nabigbig a suspek a nakakapote ken nakallugong sana pinaltogan ti biktima.

Naglibas ti suspek a nagnagna iti saan nga ammo a direksion kalpasan ti pammaltog.

Nakarekobre dagiti nagresponde a polis iti crime scene iti innem a kapsula, 2 a metal jackets ken maysa a deformed slug a mapapati a nagtaud iti cal. 45 pistol.

Di pay ammo ti motibo ti pammapatay.#