Footer

Cabugao, batangna a sinerbian ti Ilocos Sur Hotline

CABUGAO, Ilocos Sur – Batang daytoy nga ili a sinerbian ti Ilocos Sur Hotline, programa ni Gov. Luis “Chavit” Singson a mangiyasideg ti gobierno probinsial kadagiti umili nga agkasapulan iti tulong itay Septiembre 8.

Naisayangkat ditoy nga ili ti medical and dental mission a nakaipaayan dagiti libre a konsultasion kadagiti masaksakit, libre nga agas kadagiti marigrigat a residente ditoy nga ili ken kabangibangna nga ili.

Adda pay lamisaan a nairanta a para kadagiti agbirbirok iti trabaho ditoy ken iti ballasiw taaw, malaksid laeng dagiti kailian nga adda problemada iti panagtrabahoda iti ballasiw-taaw.

Nabara ti panangsangaili da Mayor Edgar S. Cobangbang, Jr. ken dagiti municipal ken barangay officials ti grupo dagiti dodoktor, dentista, ken ti  grupo ti DWRS nga indauluan ni Chato Alda, station manager. Timmulong iti nasao a gannuat dagiti nurses, midwives ti RHU-Cabugao, BNS ken BHW#

Comments are closed.