Footer

18 natay iti Leptospirosis iti Region 1

SAN FERNANDO CITY – Agdagupen iti 18 ti natay iti Leptospirosis iti Region 1, daytoy ti kaudian a report manipud iti DoH Region 1.

Segun ken ni DOH Regional Director Myriam Cabotaje, duan ti natay iti Ilocos Sur; 3 iti Ilocos Norte; 4 iti La Union; ken 9 iti Pangasinan.

Manipud idi Enero agingga iti Agosto 31, 2012 dagiti sumaganad ti bilang dagiti nagsakit iti Leptospirosis iti Region 1: Pangasinan – 36; La Union – 26; Ilocos Sur – 9; ken Ilocos Norte 7.

Iti Ilocos Sur, iti kadagupan a 9 a nagsakit iti Leptospirosis, kaadduan ti Sta. Cruz – 3; Tagudin – 2; Sinait, Candon, Galimuyod, ken Tagudin – saggaysa.

Dua metten ti natay iti daytoy a sakit a pakaibilangan ti maysa a lalaki a taga-Tagudin ken ti sabali pay a lalaki a taga-Sinait.

Maala ti sakit a Leptospirosis manipud kadagiti narugit a danum kas iti layus a nalaokan iti isbo dagiti bao.#

Comments are closed.