Footer

Balasang, natay iti aksidente ti lugan

STA. MARIA, Ilocos Sur – Napan inreport daytoy biktima ti maysa nga aksidente iti lugarda ngem idi aggawiddan, nainbolbar metten ti luganda iti aksidente. Ti makapasakit, ti pay met dyip a nakailuganan ti naaksidente nga apanna inreport iti polis ti nakadungpar kadakuada a puon ti nakatayanna.

Naideklara a natayen ni Jeniefer Pacleb, 29, balasang, empleado ti munisipio, ken residente iti Barangay Suso ditoy nga ili, idi maidanon iti Guerrero Memorial Hospital. Naitaray met iti nasao nga ospital ti kinasakayna a ni Joselito Bareng y Calibuso, 24, baro, kalugaranna met laeng, a nagsagrap met iti dunor iti makannawan a sakana.

Kagapgapu da Pacleb iti police station a nangireportanna iti maysa nga aksidente iti Barangay Suso a nakainbolbaran ni  ket aggawiddan ken ni Bareng a nakalugan iti Euro X motorcycle idi kellaat a kimmaut iti liniada ti Owner Type Jeep a minaneho ni Alexander Arreola y Mendoza, 34, naasawaan, ken residente iti Barangay Suso.

Segun iti report, nadundunor dagiti pasahero ti jeep a da Aldy Raguindin y Dagami, 31, naasawaan, security guard, ken ni Vidal, ti biktima ti aksidente a napan inreport da Pacleb iti polis.#

Comments are closed.