Footer

Klinika ti ili, mapaspasimpa

BANAYOYO, Ilocos Sur – Madama ti pannakapasimpa ti municipal health clinic ditoy nga ili, daytoy ti impakaammo ni Mayor Severino Galanga itay nabiit.

Kinuna ni Galang a mapaspasimpa ti klinika aglalo ti laboratory room kas paset ti panggep ti lokal a gobierno nga idauluanna a mangingato iti kalidad ti serbisio ti salun-at ditoy nga ili.

Impalgak pay ti mayor nga adda pondo nga impaay ti Department of Health para iti pannakabangon ti lying-in clinic  wenno pagganakan ditoy nga ili.

Kinuna ni Galanga a gimmatangda iti lote iti abay met laeng ti munisipio a pakaipatakderan ti lying-in clinic.

“Saan ngaminen a maipalubos ti ina nga aganak iti balayda isu a kasapulan ti pannakabangon iti lying-in clinic,” kinuna ti mayor. (Danilo Antalan)