Footer

Legislator’s Week, maselebraran

VIGAN CITY – Selebraran ti sangguniang panlungsod ditoy ti Legislator’s Week manipud Septiembre 24 agingga iti 28, daytoy ti naammuan manipud iti opisina ti bise mayor ditoy siudad.

Segun ken ni Vice Mayor Lourdes “Lulu” Baquiran, adda dagiti insaganada a nadumaduma nga aktibidad a pangselebrarda iti Legislator’s Week kas napag-aanamonganda iti sessionda a naangay idi Septiembre 3.

Inton Septiembre 24, maangay ti calesa parade kalpasan ti flag raising ceremony a pannakakanta ti Pambansang Awit nga idauluan ni Konsehal Janina Medina-Fariñas, pannakaiyebkas ti Panunumpa sa Watawat iti panangidaulo ni Konsehal Kristen Figuerres, Panunumpa sa Katungkulan ni Konsehal Franz Ranches III, kararag babaen ken ni Konsehal Andre de Leon ken ti panangibatad iti mission-vision ti sangguniang panlungsod babaen ken ni Konsehal John Patrick Singson.

Iti Septiembre 25, maangay manipud 8:00 ti bigat ti Child Advocacy Forum nga imatonan ni Konsehal Kristen Figuerres ken iti 2:00 ti malem, mailunsad ti Health and Sanitation Code ken ti Tourism Code Photo Exhibit.

Iti alas 9:00 ti bigat ti Septiembre 26, maisayangkat ti clean-up drive iti River Cruise sadiay Beddeng Laud.

Inton Septiembre 27, iti alas 2:00 ti malem, maangay ti forum maipapan iti kinaepektibo dagiti ordinance iti Siudad ti Vigan a tabunuan dagiti barangay captains ken dagiti kameng ti media.

Inton Septiembre 28, iti alas 4:00 ti malem, padayawan ti sangguniang panlungsod dagiti konsehal nga addan iti maudi a terminoda a pakaibilangan da Konsehal Loreto Quibilan, Konsehal George Villanueva, Konsehal Herminigildo Apelin, Konsehal Audie Agdamag

Ti tema ti selebrasion ita a tawen: “Karunungan, Kalikasan at Kalususgan.. Sulong sa Tuwid na Landas ng Lokal lna Pamahalaan.”#

Comments are closed.